پاکستان اور آئی ایم ایف کے درمیان پالیسی سطح کے مذاکرات آج ہوں گے
انٹرنیشنل مانیٹری فنڈ (آئی ایم ایف) سے نئے بیل آؤٹ پیکیج کے حصول کے معاملے پر پاکستان اور آئی ایم ایف کے درمیان پالیسی سطح کے مذاکرات آج ہوں گے۔
ذرائع کے مطابق پاکستان، آئی ایم ایف پالیسی مذاکرات 23 مئی تک جاری رہیں گے۔ مذاکرات میں آئی ایم ایف وفد کی قیادت نیتھن پورٹر اور معاشی ٹیم کی قیادت وزیرخزانہ محمد اورنگزیب کریں گے۔
ذرائع وزارت خزانہ کے مطابق مذاکرات میں نئے قرض پروگرام کے حجم پر بات چیت متوقع ہے۔
ذرائع وزارت خزانہ کے مطابق نئے قرض پروگرام کی شرائط و اہداف کو حتمی شکل دی جائے گی۔
ذرائع کے مطابق پاکستان اور آئی ایم ایف کے درمیان نئے بجٹ کے اہداف پر بھی مزید مشاورت ہوگی اور نئے بجٹ کیلئے ٹیکس، نان ٹیکس ریونیو اور میکرو اکنامک اہداف کا تعین ہوگا۔