سونے کی فی تولہ قیمت میں 400 روپے کا اضافہ
ملک میں گذشتہ روز بڑی کمی کے بعد آج سونے کی قیمت میں اضافہ سامنے آیا ہے۔
پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت 400 روپے اضافے کے بعد 2 لاکھ 14 ہزار 200 روپے ہے۔
ایسوسی ایشن کے مطابق 10 گرام سونے کی قیمت میں 342 روپے کا اضافہ ہوا ہے، یوں نئی قیمت 1 لاکھ 83 ہزار 642 روپے ہوگئی ہے۔
ایسوسی ایشن کے مطابق عالمی بازار میں سونے کا بھاؤ 5 ڈالر اضافے سے 2 ہزار 20 ڈالر فی اونس ہے۔
اس طرح پاکستان میں سونے کی عالمی قیمت 20 ڈالر پریمیم شامل کرکے 2 ہزار 40 ڈالر فی اونس ہے۔
واضح رہے کہ گذشتہ روز ملک میں سونے کی فی تولہ قیمت میں 1400 روپے کی کمی ہوئی تھی۔