پاکستان ٹیم کے سابق ٹیم ڈائریکٹر مکی آرتھر بھی پاکستان کرکٹ بورڈ (پی سی بی) سے راہیں جدا کرنے پر غور کررہے ہیں۔
ذرائع کا کہنا ہے کہ مکی آرتھر جلد اپنے فیصلے سے پی سی بی کو آگاہ کردیں گے۔ پی سی بی نے مکی آرتھر سے رابطہ کرکے معاملات طے کرلیے۔
مکی آرتھر بھارت میں ہونے والے ورلڈکپ میں پاکستان کے ٹیم ڈائریکٹر تھے۔
خیال رہے کہ ٹیم کی مایوس کن کارکردگی کے بعد پی سی بی مینجمنٹ کمیٹی نے غیرملکی کوچز کو ہٹا دیا تھا۔
عہدوں سے فارغ کرنے کے بعد غیرملکی کوچز کو اکیڈمی میں رپورٹ کرنے کی ہدایت کی تھی۔
ورلڈکپ کے بعد بولنگ کوچ مورنی مورکل نے عہدے سے استعفیٰ دے دیا تھا۔
واضح رہے کہ چند روز قبل بیٹنگ کوچ اینڈریو پوٹیک نے بھی افغانستان بورڈ سے معاہدہ کر کے پی سی بی سے راہیں جدا کرلی تھیں۔
گزشتہ روز ہیڈ کوچ بریڈ برن نے بھی پی سی بی کا شکریہ ادا کر کے معاہدہ ختم کرلیا تھا۔