نئی حکومت کے پہلے ماہ بھارت سے درآمدات میں بڑا اضافہ ریکارڈ

پاکستان کی نئی حکومت کے پہلے ہی ماہ بھارت سے سالانہ بنیاد پردرآمدات میں بڑا اضافہ ریکارڈ کیا گیا ہے۔

وزرتِ تجارت کے ذرائع کے مطابق مارچ 2024ء میں بھارت سے سالانہ بنیادوں پر درآمدات 48 فیصد بڑھیں۔

حکومتی ذرائع کا کہنا ہے کہ گزشتہ ماہ بھارت سے درآمدات کا حجم 2 کروڑ 73 لاکھ ڈالرز ریکارڈ کیا گیا۔

مارچ 2023ء میں بھارت سے درآمدات 1 کروڑ 85 لاکھ ڈالرز تھیں۔

گزشتہ سال جنوری، فروری اور مئی میں بھی بھارت سے درآمدات بڑھی تھیں۔

نگراں حکومت نے بھارت میں ٹریڈ آفیسر کی تعیناتی کا عمل بھی روک دیا تھا، پاکستان نے اگست 2019ء میں بھارت کے ساتھ تجارت معطل کر دی تھی۔

بعد میں پاکستان نے بھارت کے ساتھ تجارت میں نرمی کر دی تھی۔

پاکستان نے بھارت کے ساتھ زندگی بچانے والی ادویات کی تجارت کرنے کی اجازت دی تھی۔