7 روزہ انسداد پولیو مہم کل سے شروع ہوگی

بلوچستان میں 7 روزہ انسداد پولیو مہم کل سے شروع ہو گی۔

اس حوالے سے کوآرڈینیٹر ایمرجنسی آپریشن سینٹر زاہد شاہ کا کہنا ہے کہ مہم کے دوران 26 لاکھ 55 ہزار بچوں کو پولیو سے بچاؤ کے قطرے پلائے جانے کا ہدف مقرر کیا ہے۔

زاہد شاہ کا کہنا ہے کہ انسداد پولیو مہم میں 11 ہزار سے زائد ٹیمیں حصہ لیں گی، مہم کے دوران بچوں کو وٹامن اے کے قطرے بھی پلائے جائیں گے۔

انہوں نے کہا کہ 2023ء میں صوبے کے مختلف اضلاع میں پولیو وائرس کی تصدیق ہوئی تھی، پولیو کا مکمل خاتمہ یقینی بنانے کے لیے تمام وسائل بروئے کار لائے جا رہے ہیں۔