پنجاب میں مزید 579 بچے نمونیا میں مبتلا، 2 انتقال کرگئے

پنجاب میں گزشتہ 24 گھنٹوں کے دوران مزید 579 بچے نمونیا میں مبتلا ہو گئے جبکہ اس دوران 2 بچے نمونیا کے باعث انتقال کر گئے۔

محکمہ صحت پنجاب کے مطابق گزشتہ 24 گھنٹوں کے دوران لاہور میں 133 بچے نمونیا سے متاثر ہوئے۔

محکمہ صحت کے مطابق رواں سال کے دوران لاہور میں اب تک ایک ہزار 346 بچے نمونیا سے متاثر ہوچکے ہیں، جن میں سے 43 بچے جان کی بازی ہار گئے ہیں۔

اسی طرح رواں سال کے دوران صوبے میں اب تک 8 ہزار 921 بچے نمونیا سے متاثر ہوچکے ہیں، جن میں سے 182 بچے انتقال کرگئے ہیں۔